اكله لذيذه وجديده .....طريقة عمل طاجن الأرز بالقشطة والخضار في الفرن

المقادير:
2 كوب أرز
2 معلقة زبدة كبيرة
كوبين ونصف لبن ساخن
1/4 كوب قشطة
ملح وفلفل
1/4 كيلو بسلة وجزرة مقطّعة
بصلة صغيرة مفرومة

الطريقة:
1- اغسلي الأرز بالماء.

2- أحضري طاجن فخار وحطّيه على نار هادية، وحطي فيه الزبدة وربع كوب من القشطة، وقلّبيهم، وبعد كده حطي الملح والفلفل والبصلة المفرومة، وبعد كده ضيفي كل كمية الأرز، وضيفي اللبن تدريجياً مع التقليب، وسيبي الخليط لمدة 10 دقايق على نار هادية جداً.

3- بعد كده اسلقي البسلة والجزر.

4- بعد ما البسلة والجزر يستووا ضيفيهم على الأرز ودخليهم الفرن.

5- أوّل ما تحسّي إن الأرز بدأ يدخل في السوى، طلعي الطاجن وضيفي القشطة على سطح الرز، ودخليه الفرن مرة تانية وسيبيه لمدة 10 دقايق أو ربع ساعة.. وبالهنا والشفا.